دنیا کی پہلی آن لائن ہاتھیوں کی لائبریری تیار

ماہرین کا کہنا ہے کہ ہاتھی انسانوں کی طرح اپنی خوشی، غم، اداسی اور تنہائی کا اظہار کرتے ہیں، لیکن انسان ان کے دانتوں کی تجارت کرنے کے لیے انہیں بے دردی سے نشانہ بناتے ہیں۔ اس لیے ضروری ہے کہ ہاتھیوں کی تحفظ کے لیے اس انتہائی ذہین جانور کو سمجھا جائے۔

ویب سائٹ پر ہاتھیوں کی آوازوں اور ان کے مطلب کا مکمل ڈیٹا بھی موجود ہے۔ یہاں تک کہ جب ہاتھی تنہا ہو تو اس کا اظہار کیسے کرتا ہے اور جب وہ ایک غول میں ہوں تب ان کا رویہ کیسا ہوتا ہے۔

اس لائبریری کے ذریعے آپ یہ بھی جان سکیں گے کہ ہاتھی ایک دوسرے کو پیغام پہنچانے کے لیے کون سا ذریعہ استعمال کرتے ہیں، یا وہ کب کیا احساسات محسوس کرتے ہیں اور اس کا اظہار کیسے کرتے ہیں، حتی کہ اس میں ہاتھیوں کے رویوں کی چھوٹی چھوٹی معلومات بھی درج کی گئی ہیں۔

ویب سائٹ پر ہاتھیوں کی عمر کے حساب سے جسم کے وہ حصے دیکھائے گئے ہیں جو ان کے اظہار میں اہم کردار ادا کرسکتے ہیں جن میں سر اور سونڈ سب سے زیادہ اہمیت کے حامل ہیں۔ ویب سائٹ پر 425 تصاویر پر 130 سلائیڈ شوز بھی دیکھی جاسکتی ہیں۔ اس کے علاوہ آڈیو، ویڈیو، سلائیڈ شو اور رویوں کو الگ سے سرچ کیا جاسکتا ہے۔