امریکی صدر کے دفتر وائٹ ہاؤس نے صحافیوں کے داخلے پر نئی پابندیاں عائد کر دی ہیں۔ غیر ملکی میڈیا کے مطابق، اب صحافی پریس سیکرٹری اور دیگر اعلیٰ حکام کے دفاتر میں بغیر اجازت داخل نہیں ہو سکیں گے۔ نئی پالیسی کے تحت "اپر پریس روم" میں داخلہ صرف پیشگی اپائنٹمنٹ پر ممکن ہوگا۔
اعلامیے میں کہا گیا ہے کہ یہ پابندیاں فوری طور پر نافذ العمل ہوں گی، اور اقدام حساس معلومات کے تحفظ کے لیے اٹھایا گیا ہے۔
یاد رہے کہ یہ اقدام پینٹاگون میں گزشتہ ماہ نافذ کی گئی اسی نوعیت کی پابندیوں کے بعد دوسرا قدم ہے۔
