وزیراعلی خیبرپختونخوا سہیل آفریدی نے 3 ارب روپے صحت کارڈ کی مد میں فوری جاری کرنے کے احکامات جاری کردیے جب کہ محکمہ خزانہ نے فنڈز ریلیز اعلامیہ جاری کر دیا۔
ذرائع کے مطابق مشیر خیبرپختونخوا حکومت مزمل اسلم نے صحت کارڈ فنڈز ریلیز کرنے کا اعلامیہ جاری کرنے سے متلق کہا کہ وزیراعلی خیبرپختونخوا سہیل آفریدی نے صحت کارڈ پلس پر بریفننگ لی۔
ان کا کہنا تھا کہ سہیل آفریدی نے 3 ارب روپے صحت کارڈ کی مد میں فوری جاری کرنے کے احکامات جاری کیے جس کے بعد وزیراعلی احکامات پر فوری عمل درآمد کرتے ہوئے محکمہ خزانہ نے فنڈز ریلیز اعلامیہ جاری کر دیا۔
مزمل اسلم نے کہا کہ محکمہ صحت چیئرمین عمران خان حکومت کے ویژن کا اولین ترجیح ہے، سابق وزیر اعلی علی امین گنڈاپور نے حلف لیتے ہی عوام کی صحت کارڈ پلس سہولت بحال کی۔
انہوں نے کہا کہ رواں سال میں محکمہ خزانہ خیبرپختونخوا نے صحت کارڈ میں 41 ارب روپے مختص کئے ہیں، پچلھے سال کے 36 ارب کے مقابلے میں اب تک 4 ماہ میں خزانہ 9.65 ارب جاری کر چکا ہے۔
مشیر خزانہ خیبرپختونخوا کا کہنا تھا کہ بانی پی ٹی آئی کا ویژن علاج سب کے لئے اور فری جاری رہے گا جب کہ سوشل میڈیا پر صحت کارڈ معطلی بارے خبریں بے بنیاد ہیں۔
انہوں نے مزید کہا کہ خیبر پختونخوا کے ہسپتالوں کو صحت کارڈ رقوم کی ادائیگی حسب معمول جاری ہے، تمام سرکاری اور پرائیویٹ ہسپتالوں میں صحت کارڈ کے تحت خدمات فراہم کی جارہی ہیں۔
