جب ہم باتھ روم کا رخ کرتے ہیں تو مقصد یہی ہوتا ہے کہ دن بھر کی تھکن دور ہو اور ہم تازہ دم محسوس کریں۔ لیکن کیا آپ جانتے ہیں کہ جس شاور سے آپ صاف پانی کی توقع رکھتے ہیں، وہی آپ کے چہرے پر چھپے جراثیم بھی برساتا ہے؟
رات بھر بند شاور اور اس کے پائپ میں نمی اور گرمی جراثیم اور پھپھوند کے لیے سازگار ماحول پیدا کر دیتی ہے۔ جیسے ہی شاور کھلتا ہے، پانی اور بھاپ کے ساتھ یہ بیکٹیریا بھی نکل آتے ہیں۔
اگرچہ یہ زیادہ تر بے ضرر ہوتے ہیں، لیکن مسلسل نظرانداز کرنے سے یہ جلد یا سانس کی بیماریوں کا سبب بن سکتے ہیں۔
یہی وجہ ہے کہ ہسپتالوں میں شاور ہیڈز کو باقاعدگی سے تبدیل کیا جاتا ہے اور صفائی کے سخت اصول اپنائے جاتے ہیں تاکہ خطرناک جراثیم کی افزائش روکی جا سکے۔
شاور میں جراثیم کی مقدار اس بات پر بھی منحصر ہوتی ہے کہ آپ کس علاقے میں رہتے ہیں۔
امریکہ میں کی گئی تحقیق سے معلوم ہوا کہ وہ علاقے جہاں شاور ہیڈز میں خطرناک پیتھوجینک مائکوبیکٹیریا زیادہ پائے جاتے ہیں۔
وہاں پھیپھڑوں کی بیماری جیسے نان ٹی بی مائکوبیکٹیریا انفیکشن بھی عام ہے، خاص طور پر ہوائی، فلوریڈا، جنوبی کیلیفورنیا اور نیویارک سٹی میں۔
گرم آب و ہوا اور زیادہ کلورین والا پانی بعض جراثیموں کی افزائش کے لیے مزید سازگار ثابت ہوتا ہے۔
وہ گھر جہاں کلورین ملا پانی سپلائی ہوتا ہے وہاں جراثیم کی تعداد نسبتاً کم ہوتی ہے، جبکہ کنویں یا غیر کلورینیٹڈ پانی استعمال کرنے والے گھروں میں مائکوبیکٹیریا کی سطح کہیں زیادہ ہو سکتی ہے۔
جراثیم کی افزائش پر شاور کے میٹریل کا بھی بڑا اثر ہوتا ہے۔
تحقیق سے معلوم ہوا ہے کہ پی وی سی سے بنے پائپوں میں، پی ای ایکس کے مقابلے میں سو گنا زیادہ جراثیم موجود ہوتے ہیں، کیونکہ پی وی سی زیادہ کاربن خارج کرتا ہے جو بیکٹیریا کے لیے خوراک کا کام کرتا ہے اور اس کی کھردری سطح بھی جراثیم کو چپکنے میں مدد دیتی ہے۔
شاور ہیڈ اگر اسٹیل یا تانبے جیسے دھاتی مواد سے بنے ہوں تو وہ قدرے محفوظ ہوتے ہیں۔ لیکن جدید اور ملٹی چیمبر شاور ہیڈز، جن میں پانی جمع ہونے کا رجحان ہوتا ہے، بیکٹیریا کی نشوونما کو تیز کر سکتے ہیں۔
شاور سے نکلنے والے جراثیم سے کیسے محفوظ رہیں
آپ کا شاور ہر بار کھلتے ہی لاکھوں جراثیم آپ کی سانسوں میں داخل کر سکتے ہیں۔
مگر گھبرائیے نہیں! بس یہ چند آسان باتیں یاد رکھیں
شاور کھولنے کے بعد 1 سے 2 منٹ انتظار کریں
گرم پانی زیادہ خطرناک ہو سکتا ہے، اس لیے احتیاط ضروری ہے
پانی کا درجہ حرارت 45-60°C رکھیں (اگر ممکن ہو تو تھرما میٹر استعمال کریں)
بند شاور کھولنے سے پہلے پانی اچھی طرح بہا لیں
باتھ روم کو ہوا دار اور خشک رکھیں
روزانہ یا باقاعدگی سے شاور استعمال کریں، تاکہ پانی کھڑا نہ رہے
