ٹک ٹاکر ثنا یوسف قتل کیس میں ملزم عمر حیات پر فرد جرم عائد کرنے کے لیے تاریخ مقرر کردی گئی۔
اسلام آباد کی ڈسٹرکٹ اینڈ سیشن کورٹ میں ٹک ٹاکر ثنا یوسف قتل کیس کی سماعت ہوئی،ایڈیشنل ڈسٹرکٹ اینڈ سیشن جج محمد افضل مجوکا نےمقدمے کی سماعت کی،عدالت نے 20 ستمبر کو ملزم عمر حیات پر فرد جرم عائد کرنے کی تاریخ مقرر کر دی۔
عدالت نے ملزم کو چالان کی نقول فراہم کر دیں،جسے پولیس پیشی کے بعد واپس لے گئی۔
عمر حیات کےخلاف تھانہ سنبل میں قتل کا مقدمہ درج ہے،یاد رہےکہ ٹک ٹاکر ثناء یوسف کے قتل کا واقعہ 2 جون کواسلام آباد میں جی 13 ون میں پیش آیا تھا،
ملزم کےخلاف 3 جون کو درج کیےگئےمقدمے کےمطابق پیرکی شام 5 بجے حملہ آور گھر میں داخل ہوا اور ثناء یوسف پرفائرنگ کی۔ 2 گولیاں ثناء یوسف کے سینے میں لگیں، حملہ آور فائرنگ کے بعد فرار ہوگیا۔
