افغانستان کے صدر اشرف غنی نے نواز شریف کی اوپن ہارٹ سرجری پر ان کی صحت کے لیے نیک خواہشات کا اظہار کیا ہے ۔
افغان صدر نے ٹوئٹر پیغام میں کہا ہے کہ میری نیک خوہشات نواز شریف اور ان کے خاندان کے ساتھ امید ہے کہ ان کا آپریشن ٹھیک ہو ، ہم ان کی صحت یابی کے لیے دعاگو ہیں۔
I would like to send my best wishes to PM Nawaz Sharif and his family. Hope the surgery goes alright. We pray for his speedy recuperation.
— Ashraf Ghani (@ashrafghani) May 29, 2016
خیال رہے کہ جمعے کو وزیر دفاع خواجہ آصف اور وزیراعظم کی بیٹی مریم نواز شریف نے وزیراعظم کی اوپن ہارٹ سرجری کی تصدیق کی تھی۔
وزیراعظم کی غیرموجودگی میں وزیر خزانہ اسحاق ڈار سیاسی اور انتظامی فیصلے نواز شریف کی مشاورت سے کریں گے۔
ٹوئٹر پر مریم نواز کا کہنا تھا کہ وزیراعظم کی سرجری منگل کو ہوگی جبکہ وزیراعظم ہسپتال میں تقریباً ایک ہفتہ قیام کریں گے۔
ن کا مزید کہنا تھا کہ جیسے ہی ڈاکٹر انہیں اجازت دیں گے نواز شریف وطن واپس آجائیں گے۔
مریم نواز نے بتایا کہ 2011ء میں وزیراعظم کے دل کاعلاج ہوا تھا جس کے دوران پیچیدگیاں بھی ہوئیں۔
خیال رہے کہ یہ نواز شریف کا لندن کا کچھ ہفتوں کے دوران دوسرا دورہ ہے۔
اس سے قبل وہ گزشتہ ماہ بھی طبی معائنے کے سلسلے میں لندن روانہ ہوئے تھے۔