آئندہ مالی سال کے بجٹ میں دہشتگردی کے خلاف جنگ کیلئے خصوصی فنڈز مختص کرنے کا فیصلہ نئے مالی سال کے بجٹ میں سو ارب روپے مختص کرنے کا فیصلہ کیا گیا ہے۔
ذرائع کے مطابق رواں مالی سال کی طرح آئندہ مالی سال کے بجٹ میں بھی دہشتگردی کے خلاف جنگ کیلئے سو ارب روپے مختص کئےگئے ہیں۔
پلاننگ کمیشن کے مطابق اس رقم کو آئی ڈی پیز اور سیکیورٹی پر خرچ کیا جائے گا، جبکہ اس منصوبے کی حتمی منظوری وزیراعظم کی زیرصدارت قومی اقتصادی کونسل میں دی جائےگی۔
رواں مالی سال کے بجٹ میں دہشتگردی کے خلاف جنگی کیلئے مختص سو ارب روپے میں سے ابھی تک پینسٹھ ارب روپے جاری کئے جا چکے ہیں۔
